Турк ҳукумати Суручдаги терактнинг фотосурати ва видеоёзувларини ижтимоий тармоқлардан олиб ташланишини талаб қилмоқда, деб хабар бермоқда ТАСС ахборот агентлиги.

Оммавий ижтимоий тармоқлар 22 июль куни Туркиянинг Шонлиурф суди томонидан терактга тегишли бўлган материалларни муомаладан олиб ташлаш ҳақида билдириш олишди. Бу кўрсатма Twitter, Facebook ва YouTube хизматларига нисбатан билдирилган.

Қайд этилишича, Твиттердан бошқа барча ижтимоий тармоқлар ушбу контентни вақтида ўчиришга улгуришган. Бироқ Твиттер буни амалга оширмагани учун Туркия ҳудудидан унга кириш бир неча соатга тўсиб қўйилди.

Айни пайтга келиб Твиттер ҳам турк ҳукуматининг кўрсатмаларини бажарди ва ундан тақиқловлар олинди.

20 июлда террорчи-худкуш Суруч шаҳрида портловчи қурилмани ҳаракат келтирган. Портлаш оқибатида 32 киши ҳалок бўлган, 100 дан кўпроқ киши жароҳат олган эди. Терактни амалга оширган террорчининг шахси аниқланган.