Хитой Олий суди суд инстанцияларининг қарорини бажармаган шахсларга юқори тезликдаги поездларда юришни тақиқлаб қўйди. Бу ҳақда Хитой суд ҳокимияти олий органи хабарида маълум қилинмоқда.

Олий суд чиқарган қарорга кўра, “суд қарорини бажармаган шахсларга катта харажатлар ҳамда нормал ҳаёт ва меҳнат фаолиятини қўллаб-қувватлаш билан боғлиқ бўлмаган харажатларни амалга ошириш тақиқланади”. Хитой суд ҳокимияти олий органи вакилининг айтишича, юқори тезликдаги поездларда ҳаракатланиш шундай хизмат турларидан бири ҳисобланади.

Хабарда айтилишича, агар суд қарорини юридик шахс бажармаган ҳолатда унда унинг расмий вакиллари, раҳбарлари ва суд томонидан қўйилган мажбуриятларнинг бажарилишига бевосита масъул бўлган ходимларига нисбатан “жисмоний шахсларга нисбатан амал қиладиган тақиқловлар қўлланади”.