Хитойда 130 млн кишидан кўпроқ аҳолига ва 132 минг кв км га эга шаҳарлар бирлашмаси пайдо бўлади, деб ёзмоқда New York Times нашри.

Мегашаҳар Джин-Цзинь-Джи деб номланади, яъни бу ном йирик аҳоли пунктлари бирлашмалари – Пекин, Тяньцзин ва Хэбэйнинг топонимларининг бир қисмларидан тузилган.

Бирлашманинг ҳар бир шаҳри ўз соҳаси учун жавоб беради. Мисол учун, Пекин технология ва маданият учун жавоб беради, Тяньцзинда технологик тадқиқотлар олиб борилади. Хэбэй бўйича ҳозирча қарор қабул қилинмаган, бироқ у ерда катта бўлмаган ишлаб чиқаришлар жойлаштирилиши тахмин қилинмоқда.

Хитой раиси Си Цзиньпин ушбу бирлашманинг яратилишини маъқуллади. Ушбу лойиҳа муаллифларининг фикрича, лойиҳа “Хитой иқтисодий ислоҳотларининг локомотиви” бўлади.

Ушбу ғояни амалга ошириш учун ҳукумат иккита муаммони: транспорт алоқаси ва мактаб ва шифохонларнинг етишмаслигини ҳал қилиши керак. Хитойда юқори тезликдаги темир йўл алоқалари юқори сурьатлар билан ривожланаётган бир пайтда, бошланғич мактабда бир синфда 65 тадан бола таълим олиши ҳоллари ҳали ҳам тез-тез учраб туради.