Тошкент шаҳрининг Бектемир туманида жойлашган бетон ишлаб чиқарувчи заводнинг икки ишчиси ўртасида келиб чиққан жанжал натижасида улардан бири шифохонага ётқизилди. Бу ҳақда туман ИИБ тергов бўлими хабар бермоқда.
Айтилишича, Рустам ва Дилнур исмли йигитлар иш жараёнида ўзаро суҳбатлашиб, ҳазиллашиб ўтиришган. Рустам Дилнурга ҳазиллашиб тош бўлакчасини отган. Бундан жаҳли чиққан Дилнур дўстини ҳақоратлаган.
Рустам ўз навбатида унинг юзига мушт туширган. Дилнур мувозанатни йўқотиб, бетондан қилинган устунга юзтубан йиқилган. У йиқилиш чоғида жиддий жароҳат олиб, шифохонага мурожаат қилишга мажбур бўлган.
Рустам устидан тегишли идорага топширилган ариза асосда бу иш кўриб чиқилмоқда.