АҚШнинг Федерал қидирувлар бюроси Одесса милиционерларини машғулотдан ўтказади, деб хабар бермоқда ТАСС ахборот агентлиги.

Бу ҳақда Одесса вилояти маъмурияти раҳбари Михаил Саакашвили Украина ислоҳотлар миллий кенгаши натижаларига кўра маълум қилди.

Саакашвилининг айтишича, ўқитиш доирасида ФҚБ ходимлари томонидан тайёрланадиган 50 кишига мўлжалланган алоҳида қисм ташкил этилади.

“Улар бу ботқоқ ичида қандайдир қуруқлик ташкил қилиш учун қолганлардан ажратилади, улар бу ерда криминал, уюшган жиноятчиликка эмас, балки инсонлар учун хизмат қиладилар” , деб таъкидламоқда Саакашвили.

Аввалроқ АҚШ Одесса милициясининг янги ходимлари ва коррупцияга қарши курашини молиялаштириши маълум қилинганди.