Австралиянинг иқтисодиёт ва дунё институти томонидан тузилган тинчлик даражаси бўйича тузилган Global Peace Index рейтингида Сурия охирги – 162-ўринни эгаллади.
Бунга мамлакатдги фуқаролик уруши ва мамлакатнинг катта ҳудудини эгаллаб олган “ИШИД” террорчилик гуруҳининг ҳаракатлари сабаб бўлган.

Рейтингга кўра, Суриядан ташқари Шимолий Корея, Покистон, Конго демократик республикаси, Судан, Сомали, ЖАР, Жанубий Судан, Афғонистон ва Ироқ ҳам дунёдаги энг нотинч давлатлар деб топилди.
Экспертларнинг фикрича, дунёдаги энг тинчликсевар давлат деб Исландия топилди. The Independent нашрининг таъкидлашича, бу давлат НАТОга кирувчи, ўзининг доимий армиясига эга бўлмаган ягона давлатдир. Шунингдек, тинчлик даражаси энг юқори бўлган давлатлар ўнталигидан Дания, Австрия, Янги Зеландия, Швейцария, Финляндия, Канада, Япония, Австралия ва Чехия ҳам ўрин олган.
Рейтингни тузишда 23 та кўрсаткич ҳисобга олинди. Улар орасида қуролли тўқнашувларда иштирок этиш, кучишлатар тузилмаларнинг миқдори, жиноятчилик ва террорчилик хавфи даражаси каби кўрсаткичлар бор.