Yo‘l berkitilishining sabablari yoki ushbu hududdagi ta'mirlash ishlari haqida Toshkent shahar hokimiyatining saytida hozircha hech qanday xabar berilgani yo‘q.
Facebook ijtimoiy tamog‘ining «Voditeli Tashkenta» guruhi a'zolarining xabariga ko‘ra, Mirzo Ulug‘bek tumanida Salor bazasidan Mustaqillik ko‘chasiga olib boruvchi Sayram 7-tor ko‘chasi yopib qo‘yildi.
Foydalanuvchilar tomonidan joylashtirilgan suratlarda yo‘lning bir tomoni beton to‘sinlar bilan, ikkinchi tomoni panjara bilan berkitilgani aks etgan.
Qayd etilishicha, endi Sayram 7-tor ko‘chasidan Mustaqillik ko‘chasiga chiqib bo‘lmaydi.