АҚШ махсус хизматлари агентларининг фош бўлиб бораётгани жосусларнинг хорижда келажакда ишлашига сезиларли зарар келтириши мумкин. Бу ҳақда собиқ разведка ходимлари The New York Times газетасига айтиб берди.
Июль ойи охирида АҚШ маъмурияти персонал бўйича бошқарма хакерлар 21.5 млн америкалик давлат хизматчилари ва оддий фуқароларининг маълумотларини ўғирлаганини айтди. Бу одамлар ҳақидаги маълумотлар иккита хакерлар гуруҳи томонидан алоҳида киберҳужумлар давомида олиб қўйилган. АҚШ бунда хитойлик хакерларни айбламоқда.
Маълумотлар АҚШ ички ишлар вазирлиги ахборот марказида сақланар эди, у айни пайтда барча федерал агентликларнинг сервис маркази ҳисобланади.
Идора ўзининг ахборот тизимларига нисбатан ҳужумлар уюштирилаётганини апрель ойидаёқ сезган эди. Май ойида эса миллий хавфсизлик вазирлиги маълумотлар кибертаҳдидга учрагани айтди.
Шу билан бирга, АҚШ президенти маъмурияти хитойлик хакерлар ўз мақсадларига эриша олмагани ва америкалик разведкачилар ҳақида маълумот ололмаганини эътироф этмоқда. Маъмурият вакилининг айтишича, МРБ ходимлари ҳақидаги маълумотлар ҳеч қачон ушбу сервис марказида жойлаштирилмаган эди.