Маълумки, бир неча йиллардан буён Маккаи мукаррамадаги Масжидул Ҳаром ҳудудида кенг кўламли қурилиш-таъмирлаш ишлари амалга оширилмоқда.

Лойиҳа бўйича Маккаи мукаррамадаги Масжидул Ҳаром ва унинг атрофи кенгайтирилиб, қайта қурилди. Зиёратчилар учун янги меҳмонхоналар барпо этилди ҳамда транспорт тирбандлигини бартараф этиш мақсадида, йўловчилар учун метро хизмати ишга туширилди.

Шунингдек, Масжидул Ҳаромнинг “Ас-Софа” эшигидан “Ал-Фотиҳ” ва “Ал-Умра” дарвозаларигача бўлган ҳудуд бутунлай янгиланди. Ногиронлар ҳаракатланиши учун қўшимча йўлакчалар қурилиб, янги лифтлар ўрнатилди ҳамда барча қаватлардаги электр жиҳозлари бутунлай алмаштирилди.

Эслатиб ўтамиз, айни пайтда Каъбани тавоф қилиш жойи ва Масжидул Ҳаромнинг шимолий ҳудудида таъмирлаш ишлари олиб борилмоқда. Қисқа фурсат ичида қурилиш-таъмирлаш ишлари ўз ниҳоясига етиши кутилмоқда.

Манба: Muslim.uz