Тунис парламенти барча террорчиликда айбланганларга ўлим жазоси тайинланиши ҳақида янги қонунни бир овоздан қабул қилди, деб хабар бермоқда Haaretz нашри.

Уч кун давом этган дебатлардан кейин овоз бериш жараёни бўлиб ўтди. Қонуннинг қабул қилинишига парламентнинг 174 нафар аъзоси овоз берди, 10 нафари бетараф қолди.

Парламент спикери Муҳаммад Носирнинг айтишича, бу қонуннинг қабул қилинишини мамлакатнинг террорчиликка қарши курашида “тарихий воқеа” деб аташ мумкин.