АҚШ Давлат департаментининг собиқ бош котиби ва айни дамда Демократлар партиясидан мамлакат президентлиги учун ўз номзодини кўрсатган Ҳиллари Клинтон ўзининг аввалги ишида шахсий почтасидан фойдаланмаганини маълум қилди.

"Мен шу вақтгача шахсий почтам орқали махфий хабарлар жўнатмаганман ва қабул қилмаганман", деб маълум қилди Клинтон хоним.

Шу йилнинг март ойида New York Times газетаси президентлик учун номзодини илгари суриш арафасида бўлган Ҳиллари Клинтон АҚШ Давлат котиби сифатида ишлаган вақтида шахсий почтасидан хизмат фаолиятида фойдалангани ҳақида ёзиб чиққанди.

АҚШ Разведка ҳамжамияти Клинтон томонидан жўнатилган камида тўртта мактубда махфий маълумотлар бўлгани бўйича текширув ўтказмоқда. Текширувдан эса ҳозирча 30 минг хатдан 40 таси ўтган.