Россия кимёвий қурол захирасининг 90 фоизини йўқ қилди, деб хабар бермоқда ТАСС ахборот агентлиги.

Бу ҳақда Кимёвий қуролни хавфсиз сақлаш ва йўқ қилиш федерал бошқармаси раҳбари, генерал-полковник Валерий Капашин маълум қилди.

Капашиннинг айтишича, 27 июль ҳолатига кўра, Россияда йўқ қилинган биринчи тоифадаги кимёвий қуролнинг умумий миқдори 36 минг тонна заҳарловчи моддани ёки жами маълум қилинган захиранинг 90,4 фоизини ташкил қилган.

Ҳаммаси бўлиб йил охирига қадар йўқ қилинадиган кимёвий қурол ҳажми 36,6 минг тонна ёки умумий захирадан 91,6 фоизни ташкил қилади.

Қайд этилишича, 2015 йилдан кейин Россияда қоладиган кимёвий қуролнинг умумий миқдори 3,4 тоннани ташкил қилиб, Удмуртиядаги “Кизнер” объектида қолдирилади. Бу кимёвий қурол 2020 йил 31 декабридан кеч бўлмаган муддатгача йўқ қилинади.