Қримнинг Белогор туманидаги "Тайган" номли ҳайвонот боғида учта урғочи шер ташрифчилар кўз ўнгида тимсоҳга ҳужум қилиб, уни еб қўйишди. Бу ҳақда "Крым.Реалии" хабар берган.

Гувоҳларнинг айтишича, шерлар билан бир ҳудуддаги ҳовузда яшайдиган тимсоҳлардан бири ҳовуздан чиққанида, унга бир нечта шер ҳамла қилган. Улар тезда тимсоҳдан ном-нишон қолдиришмаган.

Ҳайвонот боғи директори Олег Зубков бу маълумотни тасдиқлаган.
"Ҳа, ростдан ҳам шундай бўлди. Бу афсусланарли воқеа. Қолаверса, тимсоҳнинг нархи 3 минг доллар эди", дейди у.

Зубковнинг қўшимча қилишича, ушбу сафари-боғи "Африка саванаси"ни эслатади ва одамлар бу ерда ўта эҳтиёт бўлишлари керак.