АҚШнинг Филадельфия штати жарроҳлари биринчи марта 8 ёшли Зион Харви исмли боланинг қўл панжасини кўчириб ўтказиш амалиётини ўтказди. NBC News телеканалининг хабар беришича, унинг панжаси болалигида кесиб ташланган эди.
Амалиётда 40 нафар жарроҳ иштирок этди. Гуруҳга доктор Л. Скотт Левин бошчилик қилди. Мутахассиснинг сўзларига қараганда, 2011 йили катта ёшдаги одамда ўтказилган шу турдаги амалиёт навбатдаги тажриба учун замин вазифасини ўтаб берган.
Левиннинг қўшимча қилишича, болалар суягининг нозиклиги амалиёт чоғида қўшимча қийинчиликлар туғдирди.
Харви икки ёшида ҳаёт учун хавфли инфекцияга учрагани боис қўл ва оёқларидан маҳрум бўлган эди. Аммо болакай умидини узмаган. У ўзида ўтказилган жарроҳлик амалиётини “орзуларнинг ушалиши” деб баҳолади.