Украина Хавфсизлик хизмати мамлакат ҳудудига франциялик актёр Жерар Депардьенинг 5 йилга киришини тақиқлаш ҳақида қарор қабул қилди, деб хабар бермоқда “Интерфакс-Украина” агентлиги.

“Украина Хавфсизлик хизмати маданият вазирлиги сўровига асосан Депардьенинг 5 йилга Украинага киришини тақиқлаб қўйди”, деб айтди Украина Хавфсизлик хизмати спикери Елена Гитлянская.

Гитлянскаянинг айтишича, тегишли ҳужжатлар махсус хизмат томонидан Украина чегара хизматига маълумотлар базасига киритиш учун топширилган.

Аввалроқ Донецк халқ республикаси ҳукумати Жерар Депардьени меҳмонга чақирган эди. Бироқ Украина маданият вазирлиги Депардье иштирокидаги фильмларни тақиқламаслигини маълум қилган.