Туркия президенти Ражаб Тойиб Эрдўған айни пайтда унинг давлати курдлар билан улар томонидан тўхтатилмаётган ҳужумлар сабабли тинчлик жараёнини давом эттира олмаслигини маълум қилди. “Тинчлик жараёнини бизнинг миллий бирдамлигимиз ва биродарлигимизга ҳужум қилаётганлар билан давом эттиришнинг иложи йўқ”, деб айтди Эрдўған Туркияда тақиқланган “Курдистон ишчи партияси” жангариларини назарда тутиб. У бундай баёнот билан 28 июль куни Анқарадаги матбуот-анжуманида чиқди.

Турк етакчиси НАТОни Туркияга “ИШИД” билан Сурияда ҳамда Ироқда курд жангарилари билан курашишда ёрдам беришга тайёр бўлишга чақирди. Эрдўған Туркия террорчилик билан муросасиз кўринишда курашишига ваъда берди. “Биз террорчиликка қарши курашимизда бир қадам ҳам ортга чекинмаймиз, бу жараён аввалги қатъиятлик билан давом этади”, деб айтди Эрдўған.