Саудия Арабистонининг Жидда шаҳри 2016 йилда “Байрамлар шаҳри” деган нисбат билан Гиннес рекордлари китобига киритилиши мумкин. Чунки шаҳар турли байрам, фестиваль, кўргазма ва мусобақаларни рекорд даражада кўплаб ўтказиб келмоқда, дейди расмийлардан бири. Маълумотларга кўра, Жидда шаҳрига йилига 5 000 000 нафар сайёҳ дам олиш ва шоппинг учун ташриф буюради. Уларнинг аксарияти ҳаж ва умра зиёратларини адо этиб, сўнг Жидда шаҳрига харид учун келишади.


Ҳозирда мазкур шаҳарда 70 та махсус хиёбон, 260 та савдо маркази, 105 та замонавий ва тарихий бозорлар, пляж ва соҳиллар бўлиб, мамлакатдаги туризм тараққиётида муҳим роль ўйнамоқда.

Muxlis.uz / Муслим Мирзажонов тайёрлади