Қозоғистон президенти Нурсултон Назарбоев Халқаро савдо ташкилоти директори Роберто Азеведо билан бирга мамлакатнинг ташкилотга қўшилиши тўғрисидаги баённомани имзолади. Бу ҳақда РИА Новости агентлиги хабар бермоқда.

20 йил давом этган музокаралар натижасида Қозоғистон ушбу ташкилотга қабул қилингани бир муддат илгари хабар қилинган эди. Қозоғистоннинг савдо альянсига аъзо бўлишига бағишланган тантанали маросим бугун Женевада бўлиб ўтмоқда. У ердаги делегацияга мамлакат раҳбари Нурсултон Назарбоев бошчилик қилмоқда.

ХСТнинг бош кенгаши Қозоғистоннинг қабул қилиниш жараёнини тартибга солувчи ҳужжатлар пакетини бир овозда маъқуллади. Қозоғистон шу йил охирида ташкилотнинг 162-аъзосига айланади.

Илгарироқ ушбу ташкилотга аъзолик туфайли Қозоғистонда импорт маҳсулотлари арзонлашиши хабар қилинган эди.