"Челси" жамоасининг испаниялик ярим ҳимоячиси Сеск Фабрегас ўзининг собиқ жамоаси "Барселона"ни дунёнинг энг яхши жамоаси сифатида билишини маълум қилди.

"Барселона"га қарши ўйнаш ажойиб бўлди. Мен бу жамоа таркибида ўз фаолиятимдаги энг яхши даврларни ўтказганман. Умуман, ҳаётимнинг энг яхши даври Каталония билан боғлиқ. "Барселона"ни дунёнинг энг яхши жамоаси сифатида биламан. Ҳеч қачон бу жамоадагидек кучли ҳужум чизиғини кўрмаганман. Месси, Суарес ва Неймардан иборат бу учлик ҳар қандай ҳимоя учун қўрқинчли ҳисобланади", дейди Фабрегас Goal.com нашрига берган интервьюсида.

Маълумот учун, Фабрегас "Барселона" 2011 йилдан 2014 йилгача 3 мавсум давомида ўйнаган ва Испания чемпионати доирасида 96 ўйинда майдонга тушиб, 28та гол урган ҳамда 42та голли пас амалга оширган.