"Толибон"га тегишли Voice of America радиостанцияси 29 июль куни ОАВларда ташкилот раҳбари мулла Муҳаммад Умарнинг ўлими ҳақида тарқалган хабарларни рад этиб чиқди.

"Толибон"нинг Афғонистон ҳукумати билан музокараларида иштирок этаётган вакили ҳам етакчининг ўлими ҳақидаги хабарлар ёлғонлиги ҳақида айтган.
Унинг сўзларига кўра, мулла Умар тирик, унинг ўлими ҳақидаги хабарлар эса унинг қаердалигини аниқлашга қаратилган навбатдаги миш-мишлар ҳисобланади.

Бугун Афғонистон ва Покистондаги ОАВлар орқали "Толибон" жангариларига 20 йилдан ортиқ вақт мобайнида етакчилик қилиб келган мулла Умар бундан 2-3 йил олдинроқ ўлдирилгани ҳақида хабарлар тарқалди.

Афғонистон ҳукумати айни вақтда бу маълумотни текширмоқда.

Маълумот учун, мулла Умар пуштунлар уруғи вакили ҳисобланиб, 1960 йилда камбағал деҳқон оиласида туғилган. У ислом назариясидан таълим олгач, 1979-1989 йиллар мобайнида Советлар армияси ва Афғонистон ҳукуматига қарши жангларда иштирок этган. У 1994 йилда "Толибон" ташкилотини тузган ва Афғонистоннинг катта қисмида назоратни қўлга олган. У 1996-2001 йилларда Афғонистон президенти саналган.

2001 йилнинг 11 сентябрида АҚШда амалга оширилган терактларга унинг алоқадорлиги гумон қилингач, АҚШ армияси Афғонистонга бостириб кирганди.
Америкаликларнинг махсус хизматлари унинг Покистоннинг Кветта шаҳрига яширингани ҳақида хабар қилишган. АҚШ бу одамнинг боши учун 10 млн доллар мукофот эълон қилган.