АҚШ Давлат департаменти Саудия Арабистонига аксилракета мудофаа тизими унсурларининг 5.4 млрд долларга сотилишини маъқуллади

Жаҳон 30 Июль 2015 1426

АҚШ Давлат департаменти Саудия Арабистонига зенитли бошқарилувчи Patriot Advanced Capability-3 ракеталарининг 5.4 млрд долларга сотилишини маъқуллади. Бу ҳақда Пентагон маълумот берди.

Қуролларни авиасозлик, авиакосмик техника ва кемасозликка ихтисослашган Lockheed Martin компанияси етказиб беради. Компаниянинг таъкидлашича, ушбу қурол яқинлашаётган ракета ва самолётлардан ҳимоя қилади. У айни кунларда Германия, Нидерландия, БАА, АҚШ, Тайвань ва Япония қуролли кучларида қўлланилади.

Шунингдек, АҚШ ташқи сиёсий идораси Саудияга қуруқлик қўшинларига мўлжалланган ўқ-дорини сотилишини маъқуллади. Ушбу шартнома қиймати 500 млн долларни ташкил қилади. Пентагон, шунингдек, АҚШ Конгресси ушбу шартномалардан огоҳлантирилганлигини маълум қилди.

Кўпроқ янгиликлар