Баҳрайн расмийлари 28 июль куни содир этилган қўпорувчилик ҳаракатини ижро этган шахслар аниқланганини маълум қилишди. BNA агентлигининг маълум қилишича, гумондорларнинг бир қисми қўлга олинган.

Воқеа юзасидан бошқа тафсилотлар маълум қилинмади.

Эслатиб ўтамиз, 28 июль куни шиалар истиқомат қилувчи Ситра шаҳри яқинидаги мактаблардан бирида содир этилган портлаш оқибатида 2 нафар полициячи ҳалок бўлган, 6 фуқаро жароҳатланган эди.