Қирғизистоннинг Иссиқ-кўл вилоятидаги Кенсан дарасида Литва фуқароси бўлган альпинист кўчкига дуч келиб, тошлар остида қолди. Бу ҳақда Қирғизистон ФВВга асосланиб, ТАСС нашри хабар қилди.

"Марҳум альпинист Қирғизистонга 19 июль куни Литвадан 8 кишилик сайёҳлар гуруҳи билан келганди. Улар Қоракўл-Арашан йўналиши бўйлаб ҳаракатланишган. Бу гуруҳ Чон-Усон тумани ҳудудида ер кўчишига дуч келишган. Натижада гуруҳ аъзоларидан бири ҳалок бўлиб, яна бири қаттиқ жароҳат олган", дейилади хабарда.

Ҳодиса рўй берган ҳудудга қутқарувчилар гуруҳи ҳамда хорижлик сайёҳларнинг Қирғизистонга ташрифи вақтида хизмат кўрсатадиган туристик фирма вакиллари юборилган.

Маълум қилинишича, айни вақтда бу гуруҳ хавфли тоғ ҳудудида қолмоқда ва у жойга вертолёт чиқа олмайди.

Матбуот хизматида маълум қилинишича, литвалик сайёҳлар ўзларининг ҳаракатланиш йўналишлари ҳақида вазирликни олдиндан огоҳлантирмаган эди.