Чеченистон раҳбари Рамзон Қодировнинг фикрича, Россия президенти Владимир Путин ИШИДга қарши кураш бўйича халқаро хатти-ҳаракатларни мувофиқлаштириб бориши мумкин. Бу ҳақда РИА Новости агентлиги хабар бермоқда.
Қодировнинг сўзларига қараганда, айни пайтда ИШИДни йўқ қилиш учун ҳаракат қилинмаяпти.
“Вазиятни ўнглаш учун ҳеч нарса қилинмаяпти. Улар бунга ҳеч қачон эриша олмайди ҳам. Вазиятни назоратга олиши ва кафолатчи бўла олиши мумкин бўлган ягона инсон президент Путиндир”, – таъкидлади Қодиров.
Шунингдек, у “президентга улкан меҳнат, катта масъулият юкланиши”ни таъкидлади.