Самарқанд автомобиль заводи Евро-4 экологик стандартига мос келувчи автобуснинг илк тажрибавий намунасини намойиш қилди

Технология 30 Июль 2015 8593

ISUZU Motors компаниясининг президенти Сусуму Хосои бошчилигида япон делегацияси Ўзбекистонга сафари доирасида Самарқанд автомобиль заводига ташриф буюрди. Бу ерда япон делегациясига сиқилган табиий газда (CNG) ишловчи двигателга эга илк автобус намойиш қилинди.

CNG двигеталли автомобилларнинг экологик томондан хавфсизлиги ва иқтисодий нафини ҳисобга олган ҳолда бу маҳсулотга юқори талаб бўлиши прогноз қилинмоқда. Ушбу тенденцияни ҳисобга олиб, Самарқанд автомобиль заводида ISUZU Motors кўмагида CNG двигателли йўловчи автобусларини ишлаб чиқиш pарурати ҳақида қарор қабул қилинган эди. Бугунги кунда дизель двигателда ишловчи автобусларнинг аксарияти газ ёқилғиси ёки газ-дизелда ишловчи автобусларга қайта жиҳозланган. Бироқ четки ташкилотлар томонидан қайта жиҳозланган бу автомобилларга “СамАвто” МЧЖ дилерлик марказлари томонидан кафолатли хизмат кўрсатилмайди.

Япон делегациясига намойиш қилинган тажрибавий намуна меҳмонларнинг олқишлари билан қаршиланди ва ISUZU Motors ва Itochu Corporation вакиллари томонидан ижобий баҳоланди. CNG двигателли бу автобуслар Евро-4 экологик стандартига мос келиши билан Ўзбекистонда ишлаб чиқариладиган йўловчи транспортига янги сифат даражасига кўтарилиш имконини беради.

“СамАвто” МЧЖ ва ISUZU Motors ҳамкорлигининг самарадорлигини нафақат янгиланган автобус ва юк автомобиллари парки, балки Самарқанд автомобиль заводининг йилдан йилга ошиб бораётган ишлаб чиқариш ҳажми ҳамда ишлаб чиқарилаётган маҳсулотга барқарор талабнинг мавжудлиги ҳам исботлайди. Бундай ютуқларга эришишга жорий йилнинг февралида 20 мингчи юбилей автомобилининг ишлаб чиқарилиши мисол бўла олади.

Самарқанд автомобиль заводи (“СамАвто” МЧЖ) автобус, юк ва махсус машиналар ишлаб чиқаришга ихтисослаштирилган завод бўлиб, ўзининг фаолиятини 1999 йилнинг мартидан бошлаган. 2006 йилда “СамКочавто” қўшма корхонаси “Самарқанд автомобиль заводи” МЧЖ сифатида қайта ташкиллаштирилган ҳамда Япониянинг ISUZU Motors Ltd компанияси билан ҳамкорликни бошлаган. 2007 йилнинг январидан заводнинг ишлаб чиқариш қувватларида ISUZU шассиси негизида тижорий автомобиллар ишлаб чиқарила бошланган.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95817 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46576 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51735 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9347 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20141 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 359 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 167 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 722 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 931 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 564 Жаҳон
Кўпроқ янгиликлар