АҚШнинг Мэриленд штати губернатори Ларри Хоган Балтимор шаҳар қамоқхонаси – коррупция можаролари билан ном чиқарган эркаклар тергов изоляторининг ёпилишини эълон қилди. Бу ҳақда CNN телеканали хабар бермоқда.

Хоганнинг айтишича, бу қамоқҳона АҚШдаги энг ёмон қамоқҳона ҳисобланади. “Маҳбуслар том маънода бу қамоқхонани бошқарардилар. Мэриленд солиқ тўловчилари ўзлари билмаган ҳолда жиноятчиликни молиялаштирганлар”, деб айтмоқда губернатор.

Бундан ташқари, Хоган судда ишлари кўрилишини кутувчи одамлар бу қамоқҳонада ғайриинсоний шароитларда сақланганларини таъкидламоқда. Хоганнинг айтишича, маҳбуслар ва ахлоқ-тузатиш муассасасининг ходимлари бошқа қамоқҳоналарга ўтказиладилар.

2013 йилда федерал ҳукумат 44 нафар киши, жумладан қамоқхонанинг 27 нафар ходимига қамоқхонада гиёҳванд моддалар сотиш, пул ювиш ва товламачилик билан шуғулланувчи жиноий гуруҳни ташкил этганлик айбловини қўйган.

Қамоқҳона АҚШдаги Фуқаролик урушидан (1861–1865 й.й.) олдин қурилган ва узоқ вақт давомида хавфли деб ҳисобланган. “Фуқаролар эркинликлари ҳимояси Америка иттифоқи” июнь ойида ушбу қамоқхонада мавжуд бўлган ёмон шароитлар ва тиббий таъминотнинг етарли эмаслиги туфайли маҳбусларнинг ҳаёти хавф остида эканлигини қайд қилган.