Июль ойида нефть йил бошидан буён энг паст нархларга эга бўлади. Бу ҳақда Bloomberg агентлиги маълум қилмоқда.

Айтилишича, талабнинг тушиб кетиши ва таклиф қилинаётган маҳсулотнинг кўплиги нархларнинг янада тушишига олиб келади. Айни пайтда АҚШда нефть хом ашёси захиралари охирги беш йилдагидан 100 млн баррелга кўпроқдир. Бундан ташқари, Хитой иқтисодиётининг ўсиб бориши ҳам нархларга жиддий таъсир кўрсатмоқда.

Fat Prophets таҳлилчиси Дэвид Леннокнинг таъкидлашича, Хитой фонд биржасининг қулаши инвесторларнинг ишончи йўқолишига олиб келди. Натижада хом ашё молларнинг кўпларида тушиш содир бўлди.