Ўзбекистон ва Жанубий Корея банклари ўзаро пластик карталарга хизмат кўрсатиш лойиҳасини амалга оширади. Бу ҳақда Ўзбекистон ташқи иқтисодий фаолияти миллий банки маълумот бермоқда.
Айтилишича, яқинда банк Жанубий Кореянинг йирик процессинг компанияси билан алоқа ўрнатган. У билан ҳамкорликда ушбу лойиҳа амалга оширилиши режалаштирилмоқда. Унга кўра, Ўзбекистон ва Корея банкларидан эмитациядан ўтган карталарга ҳар икки давлатда хизмат кўрсатиш, электрон тижоратни ривожлантириш, алоқасиз тўловлар ва бошқа операцияларни кенгайтириш кўзланмоқда.
Бундан ташқари, лойиҳа доирасида банк тизимида бошқа бир қатор янгиликлар ҳам жорий қилинади.