Туркия ҳарбий самолётлари Ироқнинг шимолидаги Курдистон ишчи партияси жангариларининг позицияларига авиазарбалар берди, деб хабар бермоқда Reuters ахборот агентлиги.

Бу ҳақда CNN Turk телеканали хабар берди. Қайд этилишича, операцияда Диёрбакирдан ҳаво кўтарилган 30 дан кўпроқ самолёт иштирок этган.

Аввалроқ Туркияга қарашли F-16 қирувчи самолётлари Ироқдаги курд жангариларининг позицияларини ўққа тутганлари маълум қилинганди. Бу орада Туркия бош вазири Аҳмет Довудўғлу Туркиянинг хавфсизлигини таъминлаш бўйича ўтказилаётган ушбу операция мамлакат учун хавф тўлиқ бартараф этилмагунга қадар давом этишини таъкидлаб ўтди.