2015 йилнинг 2-чорагида “Касперский Лабораторияси” мутахассислари мобиль телефонлар учун мўлжалланган 300 мингга яқин янги вирусни аниқлашди. Бу жорий йилнинг 1-чорагига нисбатан 3 баробарга кўп.

Ҳозирда мобиль вируслар ичида энг хавфлиси банк троянлари ҳисобланмоқда. Мисол учун, мутахассисларнинг текширувлари OpFake вируси 114 дона банк ҳамда молиявий иловаларни буза олади. Ушбу вирус жорий йилнинг биринчи чорагида 29та иловага зарар етказа олган.

Мобиль банк троянларининг тарқалиш тезлиги борасида Корея етакчилик қилмоқда. 2-ўринни Россия эгаллаган.

“Касперский Лабораторияси” 2015 йилнинг 2-чорагида дунё бўйлаб умумий ҳисобда 380 млн вирус ҳужумини бартараф этган. Бу ҳужумларнинг ярми Россия ҳудудидан амалга оширилган.