Европадан Буюк Британияга олиб ўтадиган туннелнинг кириш қисмида африкалик муҳожирлар ўтказаётган намойишлар туфайли 4,5 мингта юк машинаси ҳаракатдан тўхтаб қолган. Ла-Манш бўғози остидан ўтган туннелнинг иккинчи қисмида ҳам 4,5 мингта юк машинаси иккинчи томонга ўта олмай турибди. Бу ҳақда The New York Times нашрида хабар қилинди.

Қайд этилишича, Буюк Британия вазиятни ҳал қилиш йўлларини изламоқда.

Мамлакат бош вазири Дэвид Кэмерон ўзининг Осиёга амалга оширилиши керак бўлган сафарини кейинга қолдириб, шу муаммони ҳал қилиш навбатдан ташқари йиғилиш ўтказишини маълум қилган.

Хабар қилинишича, Буюк Британия ҳудудига ўтказилмаётган африкалик муҳожирлар туннел олдида ўтказаётган намойишлар давомида бир қанча ёнғинлар содир этилган.