Арманистон чемпионатининг 1-туридан ўрин олган «Ширак» — «Гандзасар» жамоалари ўртасидаги учрашувнинг 52-дақиқасида меҳмонлар футболчиси Тигран Барсегян фейр-плей қоидаларига кўра майдон ташқарисига чиқариб юборилган тўпни рақибга қайтариб бериш жараёнида кутилмаганда майдон марказидан рақиб дарвозасини ишғол қилиб қўйди.

Юзага келган тортишувли вазиятдан чиқиб кетиш мақсадида яна бир фэйр-плей усулидан фойдаланилди.

«Гандзасар» дарвозабони Арсен Петросян бурчак тўпи амалга оширилган пайтда тўпни атайлаб ўз дарвозасига киритди. Кейинчалик «Ширак»га ғалаба келтирган голга 82-дақиқада Жан-Жака Бугуи муаллифлик қилди.