Эстониялик сут маҳсулотлари ишлаб чиқарувчи фермерлар ҳукуматдан Россия томонидан қўйилган эмбарго туфайли кўрилган 7 млн евро миқдоридаги зарарларини қоплашни талаб қилишмоқчи. Бу ҳақда ТАСС нашри хабар берган.

Бу ҳақда Эстониядаги сут маҳсулотлари ишлаб чиқарувчилар уюшмаси вакили Яанус Муракас миллий телевидение эфири орқали гапирган.

"Еврокомиссия шу йилнинг февралида эстон фермерларига давлат томонидан инқирозий дотация сифатида 6,9 млн евро миқдоридаги маблағ ажратган эди. Европа Иттифоқи Эстония ҳукумати ҳам фермерларга худди шу миқдордаги маблағни беришини маълум қилганди", дейди Яанус Муракас.

Қайд этилишича, 3 август куни фермерлар ҳукуматга давлат бюджети орқали бу маблағнинг тўлаб қўйилишини талаб қилган ҳолда очиқ хат билан мурожаат қилишади.