Ҳиндистонда 857та беҳаё видеолар жойланувчи сайтларга болаларнинг кириши чеклаб қўйилди. Бу ҳақда BBC News нашри хабар тарқатди.

Блокировка қилиш жараёнининг ўзи бир неча кун вақтни олган. Ҳиндистон Ахборот технологиялари ва коммуникация вазирлиги берган маълумотга кўра, бу борада ўта қаттиқ талаблар қўйилмаган.

Олий суд қарорига кўра, мамлакат интернет-провайдерларига эркин ва очиқ ҳолдаги порно сайтлар устидан назоратни кучайтириш бўйича маслаҳатлар берилган. Вояга етган ҳиндистонликлар эса бу сайтларни кўриши мумкин. Фақат бунинг учун виртуал хусусий тармоқлар (VPN) ёки прокси-серверлар хизматидан фойдаланишлари керак бўлади.

Ушбу чеклов мамлакатда кенг муҳокама қилинмоқда. Ижтимоий тармоқларда #pornban, хэштеги ёрдамида улар нега ҳиндистонлик болалар бундай фильмларни кўриб завқ олмаслигига изоҳ беришларини сўраган.