Нигерия ҳарбийлари "Боко Ҳарам" жангарилари қўлида тутиб турилган 170 нафардан ортиқ кишини озодликка чиқарди. Бу ҳақда Channel News Asia хабар берган.

Озод қилинганлардан 100 нафардан ортиғи болалар, 67 нафари аёллар экани айтилган. Улар Нигерия шимоли-шарқидаги Майдагури шаҳри яқинида нигериялик аскарлар томонидан ўтказилган махсус амалиёт орқали озод қилинишган.

"Бу амалиёт давомида "Боко Ҳарам" жангарилари бошлиқларидан бири ҳам қўлга олинди. Айни вақтда у сўроқ қилинмоқда", деб маълум қилган Нигерия армияси амалдорларидан бири.