Япониянинг SoftBank телекоммуникацион компанияси ўтган йилнинг октябридан Pepper гуманоид роботига буюртмалар қабул қила бошлаган эди. У кўнгил очиш, тарбиялаш, ўқитиш, ёрдам бериш ва суҳбат қуриш функцияларига эгадир. Вақт ўтиши билан робот янада ақллироқ бўлиб бормоқда.

Ўтган йили Хитойнинг гигант корпорациялари Alibaba ва Foxconn SoftBank’нинг роботехника билан шуғулланувчи бўлинмасига умумий ҳисобда 236 млн доллар пул тикишди. Улар компания роботларини жаҳон бозорига қисқа муддатда чиқаришни режалаштирмоқда.
2015 йилнинг 20 июнида Pepper роботларининг чекланган адади сотувга чиқарилди. Роботлар 1 610 доллар нархда бир дақиқа ичида сотилиб кетди.
Энди SoftBank роботнинг бизнесга мўлжалланган версиясини тақдим қилмоқчи. Pepper for Biz номли роботни турли жамоат жойларида, ресторанларда, шифохоналарда қўллаш мумкин. Тадбиркорлар уни 440 доллар эвазига бир ойга ижарага олиши мумкин бўлади. 36 ойлик шартнома тузилган тақдирда буюртмачи 15 940 доллар тўлайди.