Баъзан Тошкентда доимий рўйхатда турмаган ҳомиладор аёлларни йўлланмасизх туғруқхонага қабул қилишмайди, деган фикрлар айтилади. Ушбу саволга Миллий матбуот марказида бўлиб ўтган матбуот анжуманида Ўзбекистон соғлиқни сақлаш вазири Анвар Алимов жавоб берди.
“Амалдаги қонунчиликка асосан, республикамизнинг ҳар бир фуқароси малакали тиббий хизмат олиш учун исталган шифокорни, тиббиёт муассасини танлаш ҳуқуқига эга, – унинг сўзларини келтиради “Оила даврасида” нашри. – Уни бу ҳуқуқдан маҳрум этишга ҳеч кимнинг ҳаққи йўқ. Пойтахтдаги ҳеч бир туғруқ комплекси маъмурияти бўлғуси онани, у қаердан бўлишидан қатъий назар, қабул қилмасликка ҳақли эмас. Шундай ҳолат юз берганда вазирликнинг тегишли ишонч телефонига (0371 2394795) ҳам мурожаат этиш мумкин”.