Ўзбекистон жорий йилнинг ўзида Озарбойжонга буғдой маҳсулотини етказиб беришни йўлга қўйиши мумкин. Бу ҳақда Ўзбекистоннинг Бокудаги элчиси маслаҳатчиси Жаҳонгир Аминов маълум қилган.

У журналистларнинг саволларига жавоб бериш чоғида Ўзбекистон ва Озарбойжон томонлари қарийб 200 турдаги маҳсулотлар савдоси бўйича ҳамкорлик қилиш масаласини муҳокама қилишгани ҳақида айтган.

Элчи маслаҳатчисининг қайд этишича, айни вақтда Ўзбекистон Озарбойжонга автомобил қисмлари, қишлоқ хўжалик буюмлари, рангли металлар, фармацевтик воситалар ва ўғитлаш воситаларини экспорт қилади.

Ўз навбатида Озарбойжон Ўзбекистонга нефть ва кимё маҳсулотлари, механик буюмлар ҳамда қандолатчилик маҳсулотларини етказиб беради.

Жаҳонгир Аминовнинг айтишича, Ўзбекистон ва Озарбойжон ўзаро икки томонлама алоқаларни кенгайтириш борасида катта истиқболга эга ҳисобланади. Озарбойжондан

Ўзбекистонга гилам ва бошқа тўқимачилик маҳсулотлари экспорт қилиниши мумкинлиги айтилган.

Қайд этилишича, 2015 йилнинг охиригача ушбу маҳсулотлар ўзаро экспорт ва импорт қилиниши бошланиши мумкин.