Қирғизистонлик деҳқонлар чегарачилар кўмагида Ўзбекистон ичига 100 м га кириб келишди

Жамият 04 Август 2015 9075

Жорий йилнинг июнь ойида ўзбекистонлик чегарачилар томонидан Қирғизистон фуқароларининг давлат чегарасини бузганлиги ҳолати қайд қилинди. Аниқланишича, бир гуруҳ қирғизистонлик деҳқонлар чегарачилар кўмагида Ўзбекистон ҳудудига 100 м кириб келиб, 5 га ли майдонда ўт уриш билан шуғулланган.
Ҳуқуқбузарлик аниқланганда, қирғизистонлик чегарачилар музокара бошлагандай бўлиб, ўз фуқароларига ишини якунлашга имкон туғдириб берди. Аммо уларнинг ўзбекистонлик ҳамкасблари воқеаларни видеотасмага муҳрлашга эришишди.
Эртаси куни воқеа юзасидан Жалолобод чегара отряди командири подполковник Илгиз Толипов билан учрашув ўтказилди. У дастлаб ҳуқуқбузарлик ҳолатини инкор қилди, аммо видеодалил уни фикридан қайтишга мажбур қилди. Шунга қарамай, Толипов қирғизистонлик деҳқонларга Ўзбекистон ҳудудида ўриб олинган сомонни олиб чиқиб кетиш имконини беришни талаб қилди.
Эслатиб ўтамиз, 2013 йил 25 июнь куни икки давлат чегара хизматлари вакилларининг учрашувларида ўзаро чегаралардан ўтиб, 500 м гача кириш ҳолатларига йўл қўймаслик борасида келишувга эришилган эди.

Кўпроқ янгиликлар