Самарқанд вилоятида ноқонуний тарзда ўқотар қурол сақлашнинг 84 та ҳолати аниқланди

Жамият 05 Август 2015 2693

Шу кунларда Самарқанд вилояти ички ишлар муассасалари ходимлари томонидан вилоятда ноқонуний тарзда ўқотар қурол сақлаш ҳолатларини аниқлаш ҳамда қурол сақлашга рухсати бўлган овчиларни ҳисобга олиш бўйича махсус операция амалга оширилмоқда.
Жорий йилнинг 6 ойи мобайнида вилоят ички ишлар муассасалари томонидан ноқонуний тарзда ўқотар қурол сақлашнинг 84 та ҳолати аниқланди. Бу ҳолатлардан 45 тасида қурол эгалари уларни ўз хоҳишлари билан тегишли муассасаларга топширганлар, буни қилмаган ов қуроллари эгалари эса маъмурий жавобгарликка тортилганлар.

Ички ишлар муассасалари ходимлари маҳалла, турар-жой массивларида уйда ноқонуний тарзда қурол сақланаётган бўлса бу ҳақда тегишли муассасаларга хабар бериш ёки уни топшириш, йўқса қурол эгаларига тегишли чоралар кўрилиши бўйича одамлар билан тушунтириш иши олиб бормоқдалар.

Ноқонуний тарзда қурол, ўқ-дори, портловчи моддалар ёки портловчи қурилмаларга эгалик қилганлик учун Ўзбекистон Жиноят кодексининг 248-моддасига кўра 50 та минимал иш ҳақи миқдорида жаримага тортишдан тортиб 6 ойгача ҳибсда ушлаб туриш, ёки 5 йилгача озодликдан маҳрум этиш жазоси назарда тутилган. Мазкур моддада кўзда тутилган буюмларни кўнгилли тарзда топширган шахслар жавобгарликдан озод этилади.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 53514 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65528 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 161119 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 26915 Жамият
Сурия АҚШ ва Британияни террорчиларга заҳарли моддаларни етказиб беришда айблади
18:24 2 Жаҳон
Самарқандда Ислом Каримов ҳайкали ўрнатилди
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
18:11 399 Жамият
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 840 Жаҳон
Кун фотоси: Озодбек Назарбеков Бишкекдаги ҳукуматлараро комиссияси мажлисида
Кўпроқ янгиликлар