Qo’shko’pir Techno Impex МЧЖ 2015 йил бошидан буён ўзлаштирган инвестициялари ҳисобига электр қувватида ишлайдиган велосипедлар ишлаб чиқаришни йўлга қўйди. Бу ҳақда “Правда Востока” газетаси ёзмоқда.
Бу давр ичида 200та модель тайёрланди. Улар аллақачон сотувга чиқарилди.
Велосипедлар замонавий аккумуляторли батареялар билан жиҳозланган. Чиқарилаётган маҳсулот ёшу қарига бирдай мўлжалланган. Айниқса уч тезликли спорт велосипедларига бўлган талаб юқори.
Йил охирига қадар ишлаб чиқариш қувватини бир неча баробар ошириб, Қорақалпоғистонга маҳсулот чиқариш режалаштирилган.
Илгарироқ Наманганда жойлашган Norin Mechanical Plant МЧЖ томонидан шу турдаги велосипедлар ишлаб чиқарилиши йўлга қўйилганлиги маълум қилинган эди.