“ИШИД” террорчилик ташкилоти жангарилари Германия ва Австрияда терактлар уюштириш ниятидалиги ҳамда Германия канцлери Ангела Меркелга таҳдид қилган видеоёзувни чоп этди, деб ёзмоқда Die Welt нашри.

Ўзининг таҳдидларини тасдиқлаш мақсадида жангарилар икки нафар асирни қатл этди. Қатл “ИШИД” томонидан босиб олинган Пальмира шаҳрида амалга оширилди.

Қайд этилишича, жангарилар видеода немис тилида марожаат қилганлар. Хабарда айтилишича, ушбу видео жангарилар орасида кўплаб германиялик ва австриялик фуқаролар борлигини тасдиқлайди.