АҚШ қирғоқ қоровул хизмати командири Пол Зукунфтнинг фикрича, Россия Арктикани ҳарбийлаштиришга ҳаракат қилмоқда. Бу ҳақда у кеча Миллий ноширлик клубида бўлиб ўтган тадбир чоғида баёнот берди.
“Россия Арктикани ҳарбийлаштирмоқчи. У Арктикани ёпиқ зонага айлантирмоқда”, – таъкидлади Зукунфт.
Адмирал АҚШ ҳарбий денгиз кучлари штаби бошлиғи адмирал Жонатан Гринерт ва бошқа штаб бошлиқлари билан бирга Арктикага бағишланган мубоҳасаларда иштирок этиб боришини маълум қилди. Уларда, Зукунфтнинг таъкидлашича, модуль платформасида ишловчи кўп функцияли музёрарлар яратиш лойиҳаси муҳокама қилинади. Ушбу музёрарларга, таъкидланишича, ҳарбий модуллар ўрнатиш ва уларнинг ёрдамида “АҚШнинг арктик ҳудудларда суверенитетини ҳимоя қилиш”да фойдаланиш мумкин.
Адмирал бундай истиқболли музёрарлар яратиш масаласини ўзи назорат қилиб боришини қўшимча қилди.