Франциялик терговчилар Реюньон ороли яқинидан самолёт қолдиқлари топилганлигини рад қилишди. Бу ҳақда France-Presse агентлиги хабар бермоқда.
Илгарироқ Малайзия транспорт вазири Лиоу Тионг Лай Реюньон оролидан топилган қолдиқлар 2014 йилда ғойиб бўлган Boeing самолётига оид бўлиши мумкинлигини, бу Францияда текширилаётганини маълум қилган эди.

Аммо BFM эфирида чиқиш қилган экспертлар бу фикрни инкор қилишди. Жумладан, улар самолёт иллюминаторлари мустаҳкам ва оғир материалдан тайёрланганлиги боис оқим билан қирғоққа ташланиши мумкин эмаслигини эслатиб ўтишди.