Россиянинг Санкт-Петербург шаҳрида автомобиллар олиб қочиш билан шуғулланган жиноий гуруҳ қўлга олинди, деб хабар беради ИИВ матбуот хизмати.
Полиция маълумотларига қараганда, гуруҳ 15 ёшли қиз, икки коллеж ўқувчиси ва 20 ёшли ишсиз йигитдан иборат бўлган. Улар июнь ойида “УАЗ” автомашинасини ўғирлаб кетишган. Шу ишни суриштириш натижасида гуруҳ фош этилган.

Тергов давомида гумондорлар яна бешта автомобиль ўғирлагани аниқланди.
Айни пайтда машиналар эгаларига қайтарилди. Жиноий гуруҳ аъзоларининг шаҳардан чиқиб кетишига тақиқ қўйилди, эндиликда уларга нисбатан жиноий иш қўзғатиш масаласи кўриб чиқилмоқда.