Apple компанияси ўзининг асосий сайтига интернет-дўконини интеграция қилди. store.apple.com’га ҳавола компаниянинг бош сайтига автоматик равишда йўналтиради.

Эндиликда маҳсулотларни харид қилиш интерфейсига маҳсулотнинг изоҳидан кириш мумкин бўлади. Аввал харидорлар буюртмани расмийлаштириш учун маҳсулотлар линиясига бағишланган алоҳида саҳифага ўтишлари ва уларни қизиқтираётган маҳсулотни у ердан бошқатдан қидиришлари керак эди. Бундан ташқари, харидлар саҳифасининг ўзида қурилмаларнинг турли модификацияларини солиштириш имкони мавжуд бўлиб, оптимал ечим танлаш мумкин.