Лондоннинг «Челси» клуби бош мураббийи Жозе Моуриньо футболчиларнинг жамоасида рақобатга дош бера олиш имкониятига эга футболчиларни ўн дақиқада аниқлаб олишини билдирди.

«Тушунинг, мен мураббийман. Офис ишчиси эмасман. Футболчилар менга ишонч билан «олға» дея олиши керак. Футболчилар ва агентлар: «Ўзимни кўрсатишим учун менга бешта учрашув керак», деб айтишни яхши кўришади.

«О, сенга бешта кетма-кет учрашувлар керакми? Ажойиб! Сенга бешта ўйинмас, 10 дақиқа керак. Шу ўн дақиқа ичида сен менга тайёр ёки тайёр эмаслигингни кўрсатишинг керак. Зума кетма-кет бешта учрашувда ўйнамаган.

Кевин Де Брюйне ва Андре Шюррле каби футболчиларнинг «Челси» учун зарур даражада яхши футболчилар эмаслиги ҳақида гаплар нотўғри. Улар етарлича яхши футболчилар. Аммо биз уларни сотдик, сабаби футболчиларнинг ўзлари жамоада қолишни ва асосий таркиб учун курашишни исташмади.

Ўз ўзингиз улардан нега клубдан кетишганини сўрашингиз мумкин. Агар улар – Лукаку, Де Брюйне, Шюррле, Салах – тўғрисўз бўлишса, сизга ҳақиқий рақобатни исташмаганини айтишади. Улар бир қатор етакчи футболчилар билан асосий таркиб учун курашишни исташмади.

Мисол тариқасида, Зумани кўрсатишим мумкин. У жамоамизга керак эканини исботлай олди ва Жон Террининг 34, Гари Кэхиллнинг эса 30 ёки 31 ёшлигини ҳисобга олганда, уни жуда ёрқин келажак кутмоқда. Мен уни ўзи учун қулай бўлмаган жойда ҳам ҳар доим ўйнашга тайёр эканини кўрмоқдаман.

Ҳамма футболчилар ҳар хил. Шунчаки клуб жамоада бахтли бўлмаган футболчини олиб қолишни истамайди.
Ҳа, 10 дақиқа ичида Марадона услубида – тўпни қабул қилиб олиб, рақибнинг 10 нафар футболчисини алдаб – гол уриш қийин. Аммо бу футболчидан нимадир кутишингиз мумкин дегани эмас. 10 дақиқада кўп нарса кўрсата олиш мумкин. Кўп нарса», – дея Моуриньонинг сўзларидан иқтибос келтиради «The Telegraph» нашри.