Мисрнинг биринчи рақамли хоними Интисор ас-Сисий жорий йилда биринчи марта жамоатчилик олдига чиқди. Бу ҳақда Al Arabiya телеканали хабар бермоқда.
Президенти Абдулфатҳ ас-Сисийнинг рафиқаси янги Сувайш каналининг очилишида иштирок этди.
Интисор одатда ҳеч қандай расмий маросимларда иштирок этмайди. Охирги марта у 2014 йил июнида эрининг инаугурацияси маросимида жамоатчиликка кўринган эди.
Маросимда, шунингдек, президентнинг синглиси иштирок этди. Мисрлик журналист Фотима Навт у билан селфи тушиб, ижтимоий тармоқларда жойлаштирди.