5 август куни Ўрта Ер денгизида Шимолий Африкадан Жанубий Европа қирғоқларига қараб йўлга чиққан муҳожирларни ташувчи кема ҳалокатга учраганди.

Рейтер нашри хабарига кўра, бу воқеа Италиянинг Сицилия ороли яқинида рўй берган.

Палермо шаҳри мэрининг маълум қилишича, ирландиялик денгизчилар 370 кишини қутқариб қолишган, чўкиб кетганлар эса 200 нафарга яқин бўлиши мумкин.

5 август куни рўй берган бу ҳодисада айбдор сифатида кема бошқарувчилари бўлган 5 киши ҳибсга олинган.