Ўзбекистон йўл қурувчилари жорий йилнинг 4-чорагида янги Тошкент айланма йўлинининг бир қисми ва Чирчиқ дарёси устидан кўприк қуришни бошлайдилар.

Бу ҳақда 12news.uz янгиликлар агентлигига “Ўзавтойўл” АК матбуот котиби Комилжон Шамсутдинов маълум қилди.

“Чорвоқ сув омборига Йик-ота посёлкасидан Чингелди аҳоли пункти орқали олиб борадиган йўл қурилиши бу йўналишда йўлни қисқартиришга имкон беради. Бу лойиҳа бўйича “Тошкенткўприк” корхонаси билан тегишли шартномалар имзоланди””, деб таъкидламоқда Шамсутдинов.

Шамсутдинов лойиҳанинг нархи ва унинг якунланиш муддатлари ҳақида ҳеч қандай маълумот бермади.

Аввалроқ 2015 йилнинг 26 июлида Чорвоқ дам олиш зонасидан чиқаверишда катта автомобиль тирбандлиги юзага келгани маълум қилинганди.

Чорвоқ сув омбори бўйида кўплаб пансиноатлар, дам олиш зоналари ва болалар ёзги спорт-соғломлаштириш оромгоҳлари жойлашган. Чорвоқ сув омбори атрофида унинг соҳилида жойлашган аҳоли пунктларини боғловчи халқа йўли ўтган.